నిషిద్దాక్షరాలు

 నేను తూటాకు గురిపెట్టిన విసుర్రాయిని స్వప్నిస్తాను అణచివేసే రాజ్యంపై ఆజాదీకోసం ఎత్తిన పిడికిళ్లను స్వాగతిస్తాను పుట్టిన భూమ్మీద ఆజాదీ నిషేదించబడ్డచోట నినాదాలై మొలకెత్తే నిరసన గేయాలకు నేనూ కోరస్ గొంతుకనవుతాను ఒక్కోసారి తత్వం ఇంకోసారి మతం ఇప్పుడు నీలా ప్రాంతం మనుషుల్ని వేరుచేసి   దశాబ్దాలుగా కొనసాగే రక్తసిక్త సందర్బంలో కొన్ని వీరోచిత గాథల్ని రేపటి తరానికి కథలుగా చెప్పాలనుకుంటాను ఓడిపోతున్న జట్టుపక్షాన  మాట్లాడకపోతే  ఒరిగిపోతున్న జాతిపక్షాన బాధని ప్రకటింకపోతే నీ మరణంకూడా వాడ్ని మనిషిగా మార్చలేని సంకల్పిత మౌనం బద్దలయ్యేలా  నేను తుపాకీ తూటాకు గురిపెట్టిన విసుర్రాయినే స్వప్నిస్తాను    Nabi Kareem Khan

 నా దేశం ఇప్పుడు అడుగడుగునా  స్వేచ్ఛగా తిరగనీయని సరిహద్దు రేఖల్ని గీసుకుంటుంది స్వేచ్ఛగా  స్వచ్ఛందంగా అమాటకొస్తే స్వతంత్రంగా మాట్లాడటం తిరంగా పై తిరుగుబాటు అనే కాలమిది.... కొన్ని కాలాలంతె కన్నీళ్లపై కూడా కూృరత్వాన్నే ప్రదర్శిస్తాయి... కొన్ని రాజ్యాలంతె మతం పునాదుల పైన మనుషుల్ని వేరు చేస్తాయి... కొన్ని ఆశయాలు ఆత్మబలిదానాల్ని కొన్ని ఆలింగనాలు నమ్మకద్రోహుల్ని  కానుకలుగా స్వీకరించాక ఆ దేశపు దేహం మీద ఎగిరే మత చిహ్నపు మరణశాసనానికి చర్చించే గొంతులు ప్రశ్నించే కలాలు వేలాడదీయబడ్తాయి దగాపడ్డ జాతికి దేశభక్తి పాఠాలు నేర్పిస్తు అచ్చేదిన్‌ కలలు చూపిస్తూ చచ్చేదిన్‌ని అమలు పరుస్తుంటాయి.... భయాలు, బాధ్యతలు ప్రశ్నలు, సమాధానాలు అక్షరాలు, అశ్రువులు నిరసనలు, నినాదాలు అన్నీ నిషేధించబడతాయి. రేపటి నాదేశపు నిరసనకారుడికి గుర్తుగా ఉరితాడుకి ఉద్యమం వేలాడబడుతుంది ఒకానొక సందర్భంలో నిరసన కారుడి మరణంపై పిరికితనాన్ని  పులిమేశాక మరణ కారణాలపైన కాక అతని కులంపైనో గుణం పైనో పోస్టుమార్టం నిర్వహించి చివరాఖరకు ప్రకటన వెలువరించబడుతుంది దాని సారాంశం నిరసనకారుడో ఓ దేశద్రోహి... -నబి కరీం ఖాన్