Nabi Kareem Khan

బహుశా"
నబి కె ఖాన్

మనం ఎప్పుదైతే
అతన్నో అంటరానివాణ్ణి చేసి
ఊరవతల విసిరేశామో
అప్పుడే పునరాలొచించుకోవల్సింది

మనం ఎప్పుడైతే
అతన్లో అస్పౄస్యపు గాయాల్ని రేపి
వివక్ష విత్తుల్ని నాటామో
బహుశా
అప్పుడు మొలకెత్తిన
హరితమే హరిజనం
* * *
అగ్రహారపు అరుగుల మీద
రచ్చబండ రాజకీయంలో
అతన్నో పావునుచేసి
మనం ప్రకటించిన పంచముడుకదా
అచారాల్ని మనం శాసించి అపచారాల్ని
అతని ముఖాన పులిమినప్పుడు
బహుశా
అతను నిద్రిస్తూలేడేమో
తనమొలకు కట్టిన తాటాకు చప్పుళ్ళు
తనకు ప్రతీక్షణం
పారాహుషార్ పలికేవనుకుంటా
* * * *
ఊరుమ్మడి బావి దగ్గర
ఊరే నిళ్ళ సవ్వడిని సైతం
మనం చూడనివ్వని చండాలుడు కదా
అప్పుడు చెమ్మగిళ్ళిన కళ్ళే
చైతన్యాన్ని వెతుక్కునివుంటాయి

* * * *
అతను మింగుతున్న రాయితీల రసగుల్లల్ని
మనం ద్వెషిస్తుంటే
మనం ఆరగించేసిన పంచామౄతాల వూసు
మనమే మర్చిపోతే
సమాజాన్ని శల్య పరీక్షకు నిలబెట్టాల్సిందే